高師大客研所裁併行為 辦學就像細人仔屙屎唔硬一樣樣 
                                             
 廖金明客語文[四縣腔]報導 99/12/9
     [高雄訊]在七年前高雄師範大學客家文化研究所揭牌成立南部第一間研究所介當日,行政院客委會主委葉菊蘭親臨在場搭高興風神展dienˋ展的ne致詞時講:南部高雄地區係當前台灣地區客家文化介沙漠,高師大客家文化研究所介成立,表現政府大力重視本土文化介決心,不但係愛成立客家[文化、經濟、科技]等等介研究所,又搭會將這兜deuˊ研究所合併擴koˋ大為[客家學院]-------。當時在場介教育界官員與高雄市客委會主委廖松雄以及kip眾鄉親聽了ngeˇ以後,心肚裡介鬆爽真像食到[鴉片,搖頭丸]一樣,瘋狂式介暢tion暢暢!暢到止斬zamˋ唔住het!在睡目介夢中都會發botˋ夢再來暢一下:做客家人真有價值!有客家文化介建立,客家人就有希望了ngeˊ!
     最近聽到非常熱心客家介屏東教育客研所所長劉明宗以及佳佐國小校長等等講:屏東教育大學客研所已經定案分別所吞併了neˇ,同時又急叉ca叉地veˊ講:高雄師大客研所又犯famˊ到共樣的nge癥ziin頭,又將分人[剁dok頭]縮小合併到台研所去了ieˇ。這個不幸消息一傳啊na到doˋ客家農村大老時,馬上拍桌開射講:這下客家文化已經送到急診加護病房在該ge氣囁ngiapˋ啊ba氣囁地beˊ!這下又將屏東&高雄介研究所來裁撤cat搭剁dok[客家]頭縮小組織,這個裁撤可比加護病房介氧氣管仔(sanˊsoˋ)拿走一樣樣!包死消檔介!續sa啊va下又講:這下屏東科技大學介客家產業研究所又係me在該ge心肝慱慱滾!面甲青!這位鄉親又再三交代講:這個不幸消息暫ciam時莫分bunˊ當時介客委會主委葉菊蘭知得,嘎ga無moˇ,會害伊譴kienˋ到do去住加護病房!噢oˇ卡信sin吶neˋ!這兜教育官員樣會恁anˋ地neˊ做?
     客家人介祖先有[晴耕.雨讀]介遺viˇ訓,認為教育讀書係國家介大事,也係家肚裡介重要事,為了教育後輩人才介培養,[寧neˇ可賣祖宗田]來[繳子弟讀書],怪唔得南部屏東教育大學&高雄師大介客家研究所愛斬[客家]頭來縮小編制,實在萬萬不可。若係以[經濟不足]做藉口,實在犯fam了meˇ客家偉大介[晴耕.雨讀]精神。若係講[教授人才不足],更至顯現教育政策無遠大介眼光。若係政治問題,又違反fanˋ了[本土文化政策]--------。
    有關屏東教育大學&高雄師大介客家研究所斬[客家]頭來縮小編制介大問題,引起了客家族群&社會有相當大介波浪,怪唔得客家各社團介動作,一陣又一陣介怒氣沖天發爆起來,但教育部&高師大唔知曉得[轉zonˋ倒do]嗎?

 

 本文客家四縣語文注解:
1.屎唔硬:喻像嬰兒無知的行為。風神展dienˋ展:高度得意。
2.
這兜deuˊ:這些。以及kip:以及。
3.
tion暢暢;相當高興。止斬zamˋ唔住het:無法結束停下來。
4.
ˋbot夢:作夢。急叉ca叉地veˊ:相當急切。
5.
famˊdoˋ:指觸犯鬼神之類與指規矩法律[fammeˇ]不同。 6.dok頭:即斬頭。一傳啊nado:一傳到----就。
7.
氣囁ngiapˋba氣囁地beˊ:即殗殗一息。殗ngiam(客語)久病成弱。
8.
氧氣管仔:日語(sanˊsoˋ)。續sava下:接下去。
9.
又係me在該ge:又是在那裡。心肝慱bok慱滾:心急跳不停。
10.
面甲gap青:面發青。莫分bunˊ:不要給。
11.
gamoˇ:否則。譴kienˋdo:生氣到。
12.
卡信sinneˋ:怎麼搞地!樣會恁anˋneˊ:怎麼會這樣。
13.
viˇ訓:遺留下來的祖訓。共樣的nge:同樣地。
14.
zonˋdo:指變通[轉彎(向前),轉斡vatˋ(左右),倒退(向後)]
===
客家鄉土語文研究工作室 協助整理 0921685867 ===

arrow
arrow
    全站熱搜

    hakka226 發表在 痞客邦 留言(0) 人氣()